Pleyeri seçin:
Bel və ayaqlar üçün yeni ekzoskelet hazırlandı | Qurğunun özəllikləri nələrdir?
Sankt-Peterburq Universitetinin tələbələri bel nahiyəsi və ayaqlara düşən yükü əhəmiyyətli dərəcədə azaldan funksional ekzoskelet prototipini təqdim edib.
Komanda iki modeli ‒ ayaq və bel üçün nəzərdə tutulmuş AUXILIUM Model M və bud nahiyəsi üçün AUXILIUM Model D-ni nümayiş etdirib.
Tələbələrin sözlərinə görə, bu qurğuların iş prinsipi yükü metal karkas vasitəsilə bərabər paylamağa əsaslanır. Nəticədə istifadəçi 50 kiloqrama qədər yükü daşısa da, yorğunluq hiss etmir.
Ekzoskeletin çəkisi komplektasiyasından asılı olaraq 3-10 kiloqram arasında dəyişir. Qurğu sökülərək bel çantasına yerləşdirilə bilir.
Layihənin müəlliflərinin fikrincə, bu yenilik tikinti işçiləri, xilasedicilər, kuryerlər və turistlər üçün faydalı olacaq. Sınaqlardan sonra tərtibatçılar təxminən 10 ədəd ekzoskeleti buraxmağı planlaşdırırlar.
Hazırda şirkət potensial alıcılarla danışıqlar aparır və gələcəkdə istehsalı genişləndirməyi planlaşdırır.
Kopyalandı
Seçilmişlər
