Pleyeri seçin:
Bənzərsiz, nəhəng “dəniz canavarı” bu ölkədə tapıldı
İngiltərədə 150 milyon illik "dəniz canavarı"nın kəlləsi tapılıb.
İngiltərənin cənubundakı Yura Sahilinin qayalarından nəhəng dəniz canavarının kəlləsi çıxarılıb. Kəllə təxminən 150 milyon il əvvəl okeanları dəhşətə gətirən dəniz sürünəni pilozavra aiddir.
2 metr uzunluğundakı fosil bu günə qədər kəşf edilən ən mükəmməl nümunələrdən biridir və bu sürünən haqqında yeni məlumatlar verir. Fosilin çox böyük olduğu və yaxşı qorunduğu müəyyən olunub.
Yerli paleontoloq Stiv Etçes hesab edir ki, başqa heç bir yerdə buna bənzər nümunə yoxdur. İnsandan uzun olan kəllə məxluqun ümumilikdə nə qədər böyük olduğuna dair təsəvvür yaradır. Kəlləsindəki 130 diş ovunu bir dişləmə ilə öldürəcək qədər uzun və itidir.
10-12 metr uzunluğundakı pilozavr okeanda ən qorxulu yırtıcı idi və dörd güclü üzgəci onun sürətlə hərəkət etməsinə imkan verirdi.
Kopyalandı
