Bəqai Nensi Pelosi barədə yazdı
İran Xarici İşlər Nazirliyinin sözçüsü İsmayıl Bəqai, ABŞ-ın keçmiş Nümayəndələr Palatasının spikeri Nensi Pelosinin İrana qarşı səsləndirdiyi sərt bəyanatlara "X" (keçmiş Twitter) platformasında kəskin cavab verib. Baku.tv-nin məlumatına görə, Bəqai Pelosinin ABŞ administrasiyasını İran xalqına "ağrı və əziyyət vermək" üçün iqtisadi təzyiqləri artırmağa çağırmasını "insanlığa qarşı cinayət" və "terrorizmin klassik nümunəsi" kimi xarakterizə edib. Nensi Pelosinin adi iranlıların, hətta kənd sakinlərinin də rifahını hədəf alan "sarsıdıcı sanksiyalar" təklifini tənqid edən sözçü, bu cür yanaşmanın yalnız "təkəbbürlü və bədxah bir zehniyyətdən" qaynaqlandığını vurğulayıb. O qeyd edib ki, siyasi məqsədlər üçün mülki əhalini qəsdən hədəfə almaq beynəlxalq hüquq müstəvisində cinayət sübutudur. Videoda İran rəsmisinin cavab mətni, Nensi Pelosinin mübahisəli çıxışının detalları və ABŞ-İran münasibətlərindəki diplomatik gərginliyin yeni dalğası ətraflı şərh olunur.
#İran Xarici İşlər Nazirliyi teqi istifadə olunub
- Əraqçi: “Məsuliyyət yalnız Vaşinqtonun üzərinə düşəcək”
- İran XİN Tehranın tələblərini yenidən dilə gətirib
- "Cavab olaraq regionda ABŞ-yə məxsus obyektlərə zərbələr endirəcəyik" | İsmayıl Bəqayi - Baku TV
- Azərbaycan və İran XİN rəhbərləri nəyi müzakirə etdilər? - Baku TV
- SEPAH Hərbi Dəniz Qüvvələrinin komandanının ölümünü təsdiqləyib
