Beren Saat "Aşk-ı memnu"dan sonra niyə depressiyaya düşdü? - Şöhrətin arxasındakı sirr

Türkiyənin ən tanınmış aktrisalarından biri olan Beren Saatın həyat hekayəsi yalnız parlaq karyera uğurlarından ibarət deyil.

Onun şəxsi həyatı, psixoloji sarsıntıları və daxili mübarizələri də ən az rolları qədər diqqətəlayiqdir.

Beren Saatın ilk sevgisi və uşaqlıq dostu Efe Güray onu hər zaman dəstəkləyib, lakin o, 19 yaşında faciəvi şəkildə dünyasını dəyişib. Beren hər il Efeni ad günündə yad edir və onu “mənim qəhrəmanım” adlandırır.

Aktrisa “Aşk-ı Memnu” serialındakı Bihter rolu ilə böyük şöhrət qazansa da, bu uğur onun psixoloji vəziyyətinə mənfi təsir edib. Beren Saat sonralar etiraf edib ki, sürətli yüksəliş onu dərin depressiyaya salıb və özünü itirdiyini hiss edib.

Şəxsi həyatı da bu çətin dövrdə gərginliklərlə dolu olub. Müğənni Kenan Doğulu ilə münasibətləri tez-tez medianın gündəminə çevrilib.

Zamanla psixoloji dəstək alan aktrisa özünü yenidən tanımağa və daxili gücünü bərpa etməyə başlayıb.