Bir qadınla gözü doymayan 95 yaşlı cəsarətli aktyorun yeganə qorxusu nə idi?

Klint İstvud 31 may 1930-cu ildə San-Fransiskoda anadan olub. O, orta məktəbi bitirəndən sonra müxtəlif işlərdə çalışıb, musiqi ilə maraqlanıb və 1950-ci ildə ABŞ Ordusunda xidmət edib.

Tərxis olunduqdan sonra aktyorluğa maraq salan K.İstvud karyerasına aşağı büdcəli filmlərlə başlayıb. Onun taleyini dəyişən mərhələ Serco Leone ilə çəkdiyi filmlər olub və bu ekran işləri onu dünya şöhrətinə qovuşdurub. 1992-ci ildə çəkdiyi “Bağışlanmayan” filmi K.İstvuda rejissor kimi “Oskar” qazandıraraq onun yaradıcılığında yeni mərhələ açıb.

Aktyorun şəxsi həyatı çoxsaylı münasibətlərlə zəngin olub. K.İstvud eyni zamanda caz musiqisi ilə məşğul olur və biznes sektorunda fəaliyyət göstərir. Ekrandakı sərt obrazlarına baxmayaraq, real həyatda mülayim biri olan Klint İstvud pərəstişkarlarının xatirində qorxmaz insan olaraq qalıb.