Böcəyə bənzər robotlar yaradıldı | Çinli alimlərdən ağlasığmaz ixtira

Altıayaqlı, pəncəli robotlar yaradılıb. Böcəyə bənzər robotların kəskin qarmaqları da var.

Belə robotlar Çinin nəyinə lazımdır?

Çinli alimlər göy cismlərinin səthindən minerallar çıxarmaq niyyətindədirlər. Qazma bacarığı olan robotlar da məhz bu səbəbdən yaradılıb.

Belə ki, ayın mikroqravitasiya şəraiti yenidən yaradılıb və yerdə uğurlu robot sınaqları aparılıb.

Böcəklərə bənzəyən robot altı ayağa malikdir, onlardan üçünün təkəri, qalanlarının isə pəncəsi var. O kəskin qarmaqların köməyi ilə səthdə öz mövqeyini düzəldə və qazma əməliyyatlarını həyata keçirə bilər.

Qurğu əlavə kəşfiyyat bacarıqlarına yiyələnməli olacaq.

Elmi işçi Li Ruilinin fikrincə, yad planetin mənimsənilməsi prosesində ilk addım resursların çıxarılmasıdır. Onun sözlərinə görə, məhz bu səbəbdən Çin kosmik mədən işlərinə xüsusi diqqət yetirir.

Hazırda alimləri ən çox maraqlandıran Ay resurslarının kəşfiyyatıdır.

Asteroidlər də tədqiqatçıların maraq dairəsindədir, çünki bu səma cisimlərində nadir torpaq elementlərinin böyük ehtiyatları var.