Pleyeri seçin:
Bolqarıstanda PUA hücumuna məruz qalan tankerin təxliyəsi başa çatdı
PUA hücumuna məruz qalan "Kairos" tankerinin heyətinin Bolqarıstanda təxliyəsi başa çatıb.
Bu barədə Bolqarıstan Baş nazirinin müavini və nəqliyyat naziri Qrozdan Karacov brifinqdə bildirib.
"Kairos" tankerinin heyəti Axtopolda təxliyə olunub. Hazırda gəminin bütün sistemlərinin elektriklə təmin olunması, lövbərin qaldırılması və sonrakı mərhələdə təhlükəsiz yerə yedəklənməsi üçün generator da daxil olmaqla əlavə texniki avadanlığın çatdırılmasına hazırlıq görülür", – deyə Karacov vurğulayıb.
O əlavə edib ki, gəmi sahibinin xahişi ilə üç heyət üzvü nəzarət üçün göyərtədə qalıb, qalan yeddi nəfər isə Bolqarıstan Hərbi Dəniz Qüvvələrinin helikopteri ilə təxliyə edilərək Varnadakı hotelə yerləşdirilib.
Karacov qeyd edib ki, tankerin yedəklənməsi əlverişli hava şəraitində aparılacaq və gəmi təhlükəsizlik baxımından yoxlanıldıqdan sonra əməliyyatın təxminən bir həftə çəkəcəyi gözlənilir.
Kopyalandı
#Kairos tankeri teqi istifadə olunub
Seçilmişlər
