Braziliya prezidenti İsrailin Qəzzada apardığı siyasəti soyqırımı adlandırdı

Braziliya Prezidenti Lula da Silva İsrailin Qəzzada apardığı hərbi əməliyyatı “soyqırımı” adlandıraraq, bunu Almaniyanın faşizm dövründə yəhudilərə qarşı törətdiyi qətliam – Holokostla müqayisə edib.

HƏMAS qruplaşması Braziliya Prezidentinin bu çıxışını dəstəkləyib.

Qruplaşmanın adı açıqlanmayan nümayəndəsi yerli mediaya açıqlama verərək bildirib ki, bu bəyanat Fələstin xalqının üzləşdiyi vəziyyətin dəqiq təsviridir.

“Holokostdan sağ çıxanlardan biri də İsrailin xarici işlər naziri İsrael Katsın atası olduğuna görə bu xəbər ən çox elə nazirə təsir edib”, – “The Times of Israel” nəşri belə yazıb.

Məlumata görə, nazir İsrael Kats Braziliyanın Təl-Əvivdəki səfiri Federiko Mayeri Holokost qurbanlarının xatirəsinə ucaldılmış Yad Vaşem abidəsinə apararaq, Braziliya Prezidentinin açıqlamasına görə onu orada sərt tənqid edib.

Qeyd edək ki, Braziliya tərəfi İsrailin bu qərarına dair hələ ki heç bir açıqlama verməyib.