Britaniyada böyük skandal | Çin nüvə sualtı qayığına “qarmaq” atıb?

Britaniyanın dörd Vanguard sinifli nüvə başlığı daşıya bilən sualtı qayığından birinin komandiri hakim Leyborist Partiyasından olan İcmalar Palatasının üzvü Joanie Reid ilə əlaqələri səbəbindən istefa verib. 

"Financial Times (FT) qəzeti xəbər verir ki, onun əri Çin kəşfiyyatına işləməkdə şübhəli bilinərək saxlanılıb.

Qəzetin məlumatına görə, Kral Dəniz Qüvvələri evli olduğu halda Reidlə romantik münasibətə başladığı iddia edilən adı açıqlanmayan komandirlə bağlı daxili araşdırmaya başlayıb.

İstintaq hərbçiyə qarşı mümkün şantaj riskini qiymətləndirmək üçün aparılıb. Qəzet vurğulayıb ki, Böyük Britaniya Müdafiə Nazirliyi heç bir "təhlükəsizlik pozuntusu" aşkar etməyən istintaqın nəticələrindən məmnundur.

Eyni zamanda, FT sualtı qayığın komandirinin şəxsi səbəblərdən istefa vermək qərarına gəldiyini bildirib. Qəzet əlavə edib ki, o, hələ də aktiv hərbi xidmətdədir. FT-nin məlumatına görə, hərbçi və Reid uzun illərdir bir-birini tanıyırlar.