Britaniyalı müğənni Adeldən özü haqda tükürpərdici açıqlama | Detallar açıqlandı

Məşhur britaniyalı müğənni Adel qulaq infeksiyası nəticəsində eşitmə problemi yaşadığını və “qismən eşitmə əngəlli” olduğunu açıqlayıb.

Sevilən müğənni bunu Las Veqasda “Weekends With Adele” adlı şousunda pərəstişkarları qarşısında çıxış edərkən bildirib. 36 yaşlı müğənni nadir rast gəlinən su bakteriyasına yoluxduğunu söyləyib.

“Qulaq infeksiyam var və olduqca qorxunc vəziyyətdəyəm. Daha əvvəl belə bir şey yaşamamışdım. Başıma gələn ən ağrılı hadisələrdən biridir”, – deyə Adel səmimi etiraf edib.

“Qulağımı bir neçə dəfə kəsib atmaq istədim”, – deyən Adel ağrılarının azaldığını, lakin sol qulağının qismən zəif eşitdiyini deyib.

Yaxın gələcəkdə albom çıxarmağı planlaşdırmadığını vurğulayan ulduz “Yeni mahnı yazmaq kimi bir niyyətim yoxdur. Bu şoulardan sonra uzun bir fasilə verməyi planlaşdırıram”, – deyə qeyd edib.

Las Veqasda “Weekends With Adele” adlı şounun ən yaddaqalan məqəmlarından biri də kanadalı dünyaşöhrətli müğənni Selin Dionla Adelin səmimi görüşü olub. İki canlı əfsanə bir-birlərini qucaqlayaraq göz yaşlarını saxlaya bilməyib.