Bryanskda hərbi zavod partladılıb? - Bütün növ silahlar işə salındı, Kurskda isə...

Bryanskda partlayış səsləri eşidilib.

Şahidlərin sözlərinə görə, aprelin 28-i gecə saatlarında Rusiyanın mühüm obyekti hədəf alınıb.

Rusiya “Telegram” kanallarının məlumatına görə, 10 partlayış Ukrayna PUA-larının hücumundan sonra qeydə alınıb. Bryansk vilayətinin qubernatoru Aleksandr Boqomaz bildirib ki, dron hücumları 5 nəfərin ölümü ilə nəticələnib. Mülki infrastruktur ziyan görüb.

Rəsmən təsdiqlənməsə də, sakinlərin sözlərinə görə, hədəf hərbi mikroelektronika istehsal edən “Krayniy El” zavodu olub.

Rusiya hava hücumundan müdafiə sistemi Bryanskda 102 Ukrayna dronunu məhv edib. TASS isə xəbər verir ki, Kiyevin dronlarla yeni koridor yaratmaq cəhdinin qarşısı alınıb.

Bundan başqa, Kurskda Rusiya Silahlı Qüvvələrinin geri qaytardığı ərazilərin Ukrayna tərəfindən intensiv atəşə tutulması barədə məlumat yayılıb.

“Axmat” xüsusi təyinatlılarının komandiri general-leytenant Aptı Alaudinov bildirib ki, hücumlarda bütün növ silahlardan istifadə edilir. Yüzlərlə Rusiya vətəndaşı döyüşlər gedən zonadan təxliyə olunub.

Hərbi ekspert Andrey Maroçko isə bildirib ki, son həftə ərzində döyüşlərdə Ukrayna Ordusunun 4900 hərbçisi öldürülüb.

Ukrayna tərəfi də Rusiya Silahlı Qüvvələrinin xeyli itkiyə məruz qaldığı barədə informasiya yayıb.