Bu ərazidə yaşayanlar təhlükədə | “Cəhənnəm qapıları” görün harada imiş

Elm adamları Yakutiya ərazisini araşdırarkən Sibirin "cəhənnəm qapılarını" – termokarst çökəkliyini aşkar ediblər.

Yerli sakinlər onu "Proval" və ya "Bataqayka" adlandırırlar.

Hövzə 1947-ci ildə genişlənməyə başlayıb. Onun unikallığı bəzilərinin yaşı 650-700 min il olan qədim permafrost təbəqələrindədir.

Hər il xüsusilə yay aylarında dərənin divarları bir neçə metr aşağı enir. Kənarlarından biri il ərzində 12 metr bata bilər.

"Bataqayka"ya çox vaxt krater də deyirlər, lakin bu, düzgün deyil. Alimlərin fikrincə, ən uyğunu "yarğan" sözüdür.

"Cəhənnəm qapıları" ən yaxın qəsəbədən cəmi yeddi kilometr məsafədə yerləşir və yerli sakinlər qorxurlar ki, bir gün çuxur onların evlərinə yaxınlaşa bilər. Bununla belə, alimlər onun genişlənməsinin o qədər də əhəmiyyətli olmayacağına əmindirlər.

"Bataqayka"nın dibində qayalar var. İçəridəki tapıntılar iqlim, torpaq, bitki örtüyü və fauna ilə bağlı bir çox suallara cavab verməyə kömək edə bilər.