Bu ölkə Suriyanı bombardman etdi | Hücumun miqyası elə dəhşətlidir ki...

İsrail ordusu Suriyanın cənubuna 22 döyüş təyyarəsi ilə irimiqyaslı hücum həyata keçirib, 60-dan çox mərmi atılıb.

Bu barədə ordunun yaydığı bəyanatda bildirilib.

Məlumata görə, əsas hədəflər hərbi obyekt və aktivlər, döyüş təyyarələri, raket sistemləri və hava hücumundan müdafiə qurğularıdır. Hadisə nəticəsində azı bir nəfər həyatını itirib.

Qeyd edək ki, sözügedən hücum Bəşər Əsəd rejiminin devrilməsindən sonra İsrailin Suriyada həyata keçirdiyi ən böyük hücum hesab olunur. Döyüş təyyarələri vasitəsilə İzradakı 12-ci briqada və Cbab şəhərindəki 89-cu alayın artilleriya batalyonuna zərbələr endirilib. Bundan əlavə, İsrail ordusu Suriyanın paytaxtı Dəməşqi də atəşə tutub. Şəhərdə vurulan binalardan birinin “İslami Cihad” təşkilatının qərargahı olduğu bildirilib. Suriya mediası isə hədəfin fələstinli bir şəxs olduğunu irəli sürüb.