Bu ölkədə aləm bir-birinə dəydi | Paytaxta qoşun yeridildi

Banqladeşdə minlərlə tələbə dövlətin kvota sisteminə qarşı çıxaraq etiraz aksiyaları keçirməyə davam edir.

Yerli medianın xəbərinə görə, polislə qarşıdurmada ölənlərin sayı artıq 150 nəfəri ötüb.

Aksiyalar səbəbindən minlərlə hindistanlı tələbə də Banqladeşdən təxliyə edilib.

Hindistanın Xarici İşlər Nazirliyindən bildirilib ki, ölkədən yalnız hindistanlılar deyil, Nepal, Maldiv adaları və Butanın vətəndaşları da çıxarılıb.

Xatırladaq ki, respublikanın müxtəlif şəhərlərindəki yüzlərlə tələbə dövlət işlərinə müraciət edərkən 1971-ci il müstəqillik müharibəsi veteranlarının qohumları üçün güzəştləri ayrı-seçkilik hesab edərək küçələrə çıxıb.

Statistikaya görə, 170 milyon əhalisi olan ölkədə 32 milyona yaxın gənc işsizdir. Onlar hesab edirlər ki, hakimiyyət işsizliklə kifayət qədər mübarizə aparmır və Şeyx Hasinanın istefasını tələb edirlər. Banqladeşdə etirazlar səbəbindən internet və televiziya kanalları bağlanıb, əlaqə kəsilib. Paytaxt Dəkkəyə və digər şəhərlərə qoşunlar göndərilib.