Bu şəhərdə taksi sürücüsü niyə "alim" olmalıdır? - "Pub"a getməyənə pis baxırlar | ORALARDA NECƏDİR?

“Oralarda necədir?” rubrikasının yeni buraxılışında dünyanın ən qlobal şəhərlərindən biri olan Londondan bəhs edilib.

Bakıdan 3968 kilometr məsafədə yerləşən, sıfırıncı meridian üzərində qurulan London Temza çayının sahilində yerləşir və dünya maliyyə mərkəzlərindən biri sayılır.

Londonda xarici görünüş sosial statusun vacib göstəricisidir. Kişilər saç, saqqal baxımına orta hesabla 40 funt xərcləyir, xüsusi tikilmiş kostyumlara minlərlə funt ödəyirlər. Kişilərin öz görünüşünə qadınlardan daha çox pul xərcləməsi burada adi haldır.

Londonda taksi sürücüsü olmaq üçün 4 il təhsil almaq və şəhərin təxminən 25 min küçəsini əzbər bilmək tələb olunur. Bu çətin proses “The Knowledge” adlanır. Nəticədə, taksi sürücülərinin aylıq qazancı 4000 funta qədər yüksələ bilir.

Londonda sosial həyat əsasən “pub”lar üzərində qurulub. Saat 5 çayı artıq əvvəlki kimi aktual deyil. İnsanlar evlərə qonaq getməkdənsə, “pub”larda görüşməyi üstün tuturlar.