Pleyeri seçin:
Bu şəxs saçlarında görün nə oğurladı | Ağlasığmaz hadisənin üstü neçə açıldı?
İtaliyada baş verən qeyri-adi oğurluq hadisəsi ölkə gündəmini zəbt edib.
Belə ki, Milan yaxınlığında yerləşən qiymətli metalların əridilməsi zavodunda işləyən 38 yaşlı işçi 1 il ərzində zavoddan təxminən 2 kiloqram qızılı saçlarında gizlədərək çıxarıb.
İstintaqın gedişində məlum olub ki, şübhəli qızıl parçalarını saç telləri arasında gizlədib və bu yolla metal detektorların yoxladığı sahələrdən yayınaraq oğurluqları həyata keçirib. Onun ümumilikdə təxminən 2 kiloqram qızıl çıxardığı müəyyən edilib.
Şübhəli şəxs bir qızıl alqı-satqı ofisində saxlanılıb. Polis onun üzərində 250 qramlıq qızıl parçası aşkarlayıb. Daha sonra onun evində aparılan axtarış zamanı əlavə qızıl məmulatları da tapılıb və şübhəli özünü təqsirli bilib.
İstintaqın məlumatına görə, həmin şəxs əvvəllər də İsveçrədə zərgərlik zavodunda çalışıb və oxşar metoddan istifadə etdiyi ehtimal olunur.
Kopyalandı
