Bu üsulları bilən yoxdur | Ayaqqabıdakı pis qoxunu necə aradan qaldıraq?

Gərgin iş, ayaqların tərləməsi və uzun müddət ayaqqabını çıxarmamaq kimi amillər bəzən ayaqqabılardan pis qoxunun gəlməsinə səbəb olur. Bu qoxunu aradan qaldırmaq üçün bəzi təbii üsullar mövcuddur.

Məsələn limon qabıqlarını ayaqqabının içində bir gecə saxlayın. O, pis qoxunu özünə çəkir və ətrafa xoş ətir yayır. Portağal qabıqları da eyni şəkildə effektiv ola bilər.

Çay paketləri ayaqqabının içindəki nəmi çəkərək pis qoxunun aradan qaldırılmasına kömək edir. Bunun üçün ayaqqabının içərisinə çay paketi qoyub bir gecə gözləmək lazımdır. Səhər çay paketini çıxarıb qoxunun yox olduğunu görəcəksiniz.

Ağ sirkə asidik strukturu sayəsində qoxuya səbəb olan bakteriyaları öldürərək pis qoxunun aradan qaldırılmasına yardımçı olur. Bunun üçün bir parçanın üzərinə ağ sirkə tökün, daha sonra ayaqqabının içini bu parça ilə silin və qurumağa qoyun. Bu şəkildə qoxudan xilas ola bilərsiniz.

Soda da ayaqqabılardakı pis qoxudan xilas olmağa kömək edir. Bunun üçün ayaqqabının içərisinə müəyyən miqdarda soda səpib bir neçə saat gözləmək lazımdır.