Bunu çox az adam bilir | Alimlərin araşdırması nələri ortaya çıxardı?

Radiasiya ölümcüldür. Bunu hər kəs bilir. Amma şüalanmanın həyat mənbəyi olması barədə az adam məlumatlıdır.

Dartmut Kolleci və Ekseter Universitetinin britaniyalı alimləri aşkar ediblər ki, qalaktikaların mərkəzlərindəki superkütləli qara dəliklərdən gələn ultrabənövşəyi şüalanma həyata gözlənilməz müsbət təsir göstərə bilər.

Komanda aktiv qalaktik nüvələrdən radiasiyanın müxtəlif atmosfer tərkibinə malik planetlərə təsirini öyrənmək üçün kompüter modelləşdirməsindən istifadə edib. Onlar yüksək enerjili radiasiyanın oksigen molekullarını parçaladığını və sonra ozon əmələ gətirən atomları yaratdığını aşkar ediblər. Bu proses təxminən iki milyard il əvvəl günəş radiasiyasının Yerdə ozon qatının yaranmasına necə kömək etdiyinə bənzəyir.

Tədqiqatçılar qeyd ediblər ki, atmosferdə oksigen nə qədər çox olarsa, təhlükəli radiasiyanın qarşısını alan ozonun qoruyucu təsiri bir o qədər güclü olar.

Alimlər əlavə ediblər ki, planetimiz Süd Yolunun mərkəzindəki superkütləli qara dəlikdən çox uzaqda yerləşir, ona görə də onun radiasiyası Yerə heç bir şəkildə təsir etməyib.

Tədqiqat başqa qalaktikalarda hansı şəraitin həyatı dəstəkləyə biləcəyini anlamağa kömək edir.