Cəfər Pənahi festivalın əsas mükafatına layiq görüldü

78-ci Kann Film Festivalının qalibləri elan olunub.

Festivalın əsas mükafatı olan “Qızıl Palma”ya isə azərbaycanəsilli iranlı rejissor Cəfər Pənahinin “It Was Just an Accident” filmi layiq görülüb. O, 15 ildən sonra ilk dəfə olaraq bu mükafatı əldə edib.

Ən yaxşı rejissor adını “The Secret Agent” filminə görə Kleber Mendonça Filho qazanıb. Həmin filmdəki roluna görə Vaqner Moura ən yaxşı kişi rolu nominasiyasında qalib olub.

“The Little Sister” filmindəki obrazına görə Nadia Melliti ən yaxşı aktrisa seçilib.

Ən yaxşı qısa film nominasiyasında qalib “I'm Glad You're Dead Now” olub. Fəxri “Qızıl Palma” isə Robert De Niro və Denzel Vaşinqtona təqdim edilib.

Qeyd edək ki, azərbaycanəsilli rejissorun sosial məzmunlu filmləri hökumət tərəfindən təxribat hesab olunduğundan C.Pənahi 2009-cu ildən bu yana dəfələrlə həbs olunub. Ona film çəkmək qadağan edilib. Bununla belə, C.Pənahi festivalda yeni filmi ilə ad qazanmağa nail ola bilib. Filmin gizli şəkildə çəkildiyi iddia olunur.