Cənubi Afrikanı dəhşətə gətirən qətl | Qandonduran hadisənin detalları

Cənubi Afrikada homoseksuallığı müdafiə edən axund güllələnərək qətlə yetirilib.

CNN xəbər verir ki, Şərqi Keyp əyalət polisi verdiyi açıqlamada 58 yaşlı Muhsin Hendrikin qətlinin motivinin aydın olmadığını bildirib.

Açıqlamada qeyd olunur ki, üzləri örtülmüş iki naməlum şəxs imamın olduğu avtomobili atəşə tutub və nəticədə o ölüb.

Təhlükəsizlik kamerasına düşən atışma anının videosu sosial şəbəkələrdə yayılıb.

Homoseksualların hüquqlarını müdafiə edən assosiasiya – “ILGA World” M.Hendrikin qeyri-ənənəvi cinsi oriyentasiyaya malik olduğunu bildirib.

“ILGA World” ailəsi Muhsin Hendrikin öldürülməsi xəbərindən dərin şok içindədir və səlahiyyətliləri nifrət cinayətini hərtərəfli araşdırmaya çağırır”, – deyə məlumatda qeyd olunur.

Cənubi Afrika Müsəlmanlarının Məhkəmə Şurası fevralın 16-sı verdiyi açıqlamada şokedici qətli birmənalı şəkildə pisləyib.

“Muhsin Hendrikin eynicinsli münasibətlərlə bağlı fikirlərinə görə qətlə yetirildiyini hesab edirik. Onun mövqeyi islam şəriətinə uyğun olmasa da, onun qətlini və LGBT icmasını hədəf alan hər hansı zorakılıq aktlarını birmənalı şəkildə pisləyirik”, – deyə Məhkəmə Şurası bildirib.