Cənubi azərbaycanlı iş adamı Zərrab kiminlə evləndi? | Toyda kimlər iştirak etdi?

Cənubi Azərbaycandan olan iş adamı Reza Zərrab evlənib.

Bu barədə “Bitter” dərgisi foto və məlumat yayıb. Amerikada yaşayan R.Zərrab Mayamidə Dilarə Altıntopla ailə həyatı qurub.

Üç gün, üç gecə davam edən şənliklərə Türkiyədən İbrahim Tatlısəs, Dərya Tuna və Demet Akalın kimi məşhur adlarla yanaşı, D.Altıntopun məmləkəti Bursadan da çoxlu qonaq qatılıb. Nəşr bildirib ki, cütlük iki ay əvvəl nikah masasına oturub.

Üç gün olan toyun ilk günü “Faena” otelində keçirilən sosial tədbirlə başlayıb. İkinci gün qonaqlar Mayami sahillərində, Atlantik okeanında yaxtada keçirilən “Sunset party”də toplaşıblar. R.Zərrab və D.Altıntopun yanvarın 16-da axşam saatlarında baş tutan toy mərasimi Mayami şəhərinin simvolu olan Vizcaya Muzeyi və Bağçalarında keçirilib.

Tədbir başlamazdan əvvəl qonaqlara foto və ya video çəkməmək barədə e-poçt vasitəsilə xəbərdarlıq edilib. Toydan hər hansı görüntünün sızmasının qarşısını almaq üçün iştirakçıların telefonları hər üç gecədə işçilər tərəfindən toplanıb.

Qeyd edək ki, R.Zərrab türkiyəli müğənni Ebru Gündeşlə ailəli olub. Cütlük 2021-ci ildə boşanıb. Onların Alara adlı qız övladı var. Əslən Bursadan olan və Mayamidə yaşayan Dilarə Altıntop Boston Universitetində hüquqşünas sertifikatına malikdir. Mayamidə bir şirkətdə administrator köməkçisi kimi çalışan D.Altıntop Türkiyə milli üzgüçülük komandası və “Fənərbağça” İdman Klubunda peşəkar üzgüçüdür.