Pleyeri seçin:
Cənubi Koreya Prezidenti istefa verəcək? - Müxalif deputatları özündən çıxaran isə...
Cənubi Koreya Prezidenti Yun Sok Yol ölkədə bir neçə saat əvvəl tətbiq etdiyi hərbi vəziyyət rejiminin sona çatdığını elan edib.
Bu barədə “Yonhap” informasiya agentliyi məlumat yayıb.
Xəbərdə bildirilib ki, Prezidentin bu qərarı ölkə parlamentini qane etməyib. Bu narazılıq fonunda müxalifyönümlü deputatlar prezidenti istefaya səsləyib. Hətta vəziyyət o həddə çatıb ki, dekabrın 3-ü axşam saatlarında mühasirəyə alınmış parlament binasına daxil ola bilən 300 deputatdan 190-ı hərbi vəziyyətin ləğvinə səs verib.
Cənubi Koreya Konstitusiyasına görə, deputatların əksəriyyəti hərbi vəziyyətin ləğvinə dair səs verərsə, qərar hüquqi əhəmiyyətdən düşür. Amma buna baxmayaraq, paytaxt Seulda yaşana biləcək etiraz dalğalarının qarşısını ala bilmək üçün polis gücləndirilmiş iş rejiminə keçərək mərkəz küçələrdə növbəli şəkildə keşik çəkir.
Kopyalandı
Seçilmişlər
