Dağıstanda kilsə və sinaqoqa silahlı hücum | Ölənlər var

Dağıstanın paytaxtı Mahaçqalada naməlum şəxslərin hücumu nəticəsində 1 polis əməkdaşı həlak olub, 6-sı yaralanıb.

Bu barədə Dağıstanın Daxili İşlər Nazirliyi məlumat yayıb.

Mülki əhali arasında yaralı və ölənlərin olmadığı qeyd olunub. Polis əməkdaşlarına hücum edən iki terrorçunun məhv edildiyi bildirilib.

Həmçinin daha öncə Dağıstanın Dərbənd şəhərində də naməlum şəxslər sinaqoq və kilsəni avtomat silahlardan atəşə tutublar. Nəticədə bir polis əməkdaşı həlak olub, biri isə yaralanıb.

Bununla yanaşı, pravoslav kilsəsinə qarşı edilən hücum zamanı rahib və mühafizəçinin öldürüldüyü, Dağıstanda təhlükəsizlik tədbirlərinin gücləndirildiyi qeyd edilir.