Dağıstanın rəhbəri deputatlarla bağlı təcili göstəriş verdi | Detallar məlum oldu

Dağıstanın rəhbəri Sergey Məlikov respublikada rəhbər vəzifə tutan hər kəsin şəxsi işlərinin yoxlanılması barədə göstəriş verib.

Bu barədə S.Məlikov Dağıstan Xalq Assambleyasının sessiyası zamanı bildirib.

“Mən Dağıstanda rəhbər vəzifə tutan hər kəsin, o cümlədən Xalq Məclisinin deputatlarının şəxsi işlərinin yoxlanılması barədə göstəriş vermişəm”, – S.Məlikov bildirib.

Buna səbəb iyunun 23-də Dağıstanın Serqokalinsk rayonunun rəhbəri Maqomed Ömərovun kiçik oğulları Osman və Adilin, həmçinin onun qardaşı oğlu Abdusaməd Amadziyevin Dağıstanda törədilən terror aktlarında iştirak etmələridir.

“Baza” “Telegram” kanalının məlumatına görə, onlar radikal İslamı qəbul ediblər.

M.Ömərov dindirmə zamanı bildirib ki, o, son illər radikal oğulları ilə əlaqə saxlamayıb və özü radikal olmayıb.

İyunun 23-də Dağıstanın Dərbənd şəhərində naməlum şəxslər Lenin küçəsində yerləşən “Müqəddəs Məryəm” kilsəsinə və Tağızadə küçəsində yerləşən “Kələ-Numaz” sinaqoquna hücum edərək onları avtomatlardan atəşə tutublar.

Eyni zamanda terrorçular Mahaçqalada Yermoşkin küçəsində yol polisi postunu və yaxınlıqdakı sinaqoqu atəşə tutublar. Orconikidze küçəsindəki kilsə yaxınlığında da atışma olub. Polis hücum edənlərdən beşini öldürüb.