Dəhşətli təhlükə ilə üzləşən şəhərlər | Hətta Qahirə və Bağdad da...

Dünyada insanların ən sıx məskunlaşdığı bəzi şəhərlərdə iqlim şəraiti quraqlıqdan daşqına və yenidən selə çevrilərək dəyişir, çünki yüksələn temperatur qlobal su dövranını pozur.

“WaterAid” xeyriyyə təşkilatının araşdırmasında deyilir ki, Cənubi və Cənub-Şərqi Asiyada yağışlar həddindən çox yağır, Avropa, Yaxın Şərq və Şimali Afrikada isə daha quru iqlim müşahidə olunur.

Tədqiqata əsasən, Çinin şərqindəki Hançjou şəhəri və İndoneziyanın paytaxtı Cakarta “iqlim şoku”nun – uzun sürən daşqınların və quraqlığın sürətli ardıcıllıqla vurduğu şəhərlər siyahısında birinci yerdədir.

Tədqiq olunan şəhərlərin təxminən 15 faizi həddindən artıq daşqın və quraqlıq riskləri ilə üzləşib. Onların arasında Texas ştatının Dallas, Çinin Şanxay şəhərləri və İraqın paytaxtı Bağdad da var.

Şəhərlərin beşdə biri ekstremal iqlim şəraitində dəyişikliyə məruz qalır. Şri-Lankanın paytaxtı Kolombo və Hindistanın maliyyə mərkəzi Mumbayda iqlim dəyişikliyi müşahidə edilir, hava daha da rütubətli olur.

Misirin paytaxtı Qahirə və Honkonq isə daha çox quraqlıqla üzləşir.