Dinozavrlar niyə yox olub? - Qədim heyvanlar haqqında maraqlı faktlar

Amerikalı paleontoloqlar ilk dinozavrların Pangeya protokontinentinin hər iki hissəsində eyni vaxtda yarandığını bildiriblər.

Ümumi qəbul edilmiş fikrə görə, qədim sürünənlər Qondvanada – Pangeya qitəsinin cənub hissəsində Lavrasiyanın şimal hissəsinə yayılmadan milyonlarla il əvvəl meydana çıxıb. Viskonsin Universitetinin mütəxəssisləri dinozavrların hər iki qitədə təxminən eyni vaxtda peyda ola biləcəyini sübut ediblər və qədim heyvanların yayılma vaxtını yenidən nəzərdən keçiriblər.

Kəşf 2013-cü ildə Vayominq ştatında tapılmış “Ahvaytum bahndooiveche” dinozavrının qalıqlarının hərtərəfli tədqiqi nəticəsində mümkün olub. Fosillərin yaşı təxminən 230 milyon ildir ki, bu da ən qədim Qondvana dinozavrları ilə müqayisə edilə bilər.

Araşdırmaya rəhbərlik edən tədqiqatçı Deyv Lavleys qeyd edib ki, “Ahvaytum bahndooiveche” ən qədim ekvator dinozavrıdır və Şimali Amerikanın erkən dövründə yaşayıb.

Alimlər vurğulayırlar ki, dinozavrların yaranması bu ərazilərdə 232-234 milyon il əvvəl yaranmış rütubətli iqlim sayəsində mümkün olub.

Qeyd edək ki, 2024-cü ilin sonunda beynəlxalq alimlər qrupu dinozavrların yox olmasının əsas səbəbi kimi asteroidin Yerlə toqquşmasını göstərib.