Dubay polisinin “sağ əli” olan qurğu | Cəmi 73 saniyə ərzində…

Dubay polisi “Drone Box” sistemi çərçivəsində pilotsuz aparat bölmələrinin sayını artırır.

Fövqəladə hallar zamanı vaxtı azaltmaq və ümumilikdə təhlükəsizlik tədbirlərini gücləndirmək üçün bu cür bölmələr fəaliyyət göstərir.

Ümumilikdə 240 kvadrat kilometr ərazini əhatə edən altı “Drone Box” bütün şəhər boyu iş görür. Hər bir dron qutusu fövqəladə vəziyyətlərin bütün görüntülərini qısa vaxt ərzində Dubay polisinin Əməliyyatlar üzrə Baş İdarəsinin Dron Sistemləri Mərkəzinə ötürür.

Mərkəzin ixtisaslaşdırılmış əməliyyatlar üzrə rəhbəri Məcid Al-Qassim deyir ki, bu, unikal bir uğurdur, çünki bütün əməliyyatlarımız adi gözlə görmə çərçivəsindən kənardadır. Məsələn, böyük bir avtomobil qəzası barədə məlumat daxil olduqda, sistem avtomatik olaraq bu qəza ilə bağlı koordinatları və məlumatları əldə edir.

Dron Sistemləri Mərkəzində pilotsuz uçan aparat işə salınır. Daha sonra hadisəyə uyğun qərar vermək üçün məlumatlar emal olunur. Dron qutusuna yaxın ərazilərdə hesabata cavab müddəti orta hesabla 1 dəqiqə 13 saniyə çəkir.

Dubay polisi 640 kvadrat kilometr ərazini əhatə etmək üçün dron qutularının sayını 8-ə çatdırmağı planlaşdırır. Məqsəd 2030-cu ilə qədər bütün şəhərdə fövqəladə hallara cavab müddətini də 2 dəqiqəyə endirməkdir.