Dubaydakı sammitdə III Çarlz yunan bayrağı naxışlı qalstuk taxdı

Böyük Britaniya kralı III Çarlz BMT-nin Dubayda keçirilən iqlimlə bağlı COP28 konfransında Yunanıstan bayrağının rənglərinə və simvollarına bənzəyən mavi və ağ rəngli qalstuk taxıb.

Bu barədə Amerikanın “Bloomberg” agentliyi məlumat yayıb.

Agentlik hadisənin Britaniya Muzeyindəki Parfenon heykəlləri ilə bağlı ölkələr arasında diplomatik qalmaqal fonunda baş verdiyini vurğulayıb. Lakin kralın xarici görünüşü ilə hər hansı açıqlama verməyə çalışıb-çalışmadığı aydın deyil.

“Əlahəzrətin bu gün taxdığı qalstuk sadəcə olaraq onun hazırkı kolleksiyasından biridir”, – Bukingem Sarayının nümayəndəsi bildirib.