Dünyada gözlənilməz hadisələr olacaq | Ekstrasens elə şeylər dedi ki...

Braziliyalı 38 yaşlı ekstrasens Atos Salome ABŞ Prezidenti Donald Trampın ikinci dəfə Ağ Evə qayıdışının qlobal iqtisadi qeyri-sabitliyə səbəb ola biləcəyi barədə xəbərdarlıq edib.

A.Salome hesab edir ki, D.Trampın qərarları beynəlxalq nizamda ciddi dəyişikliklərə yol aça bilər və yeni alyansların yaranması ilə nəticələnə bilər ki, bu da Amerikanın nüfuzuna meydan oxuyacaq.

O həmçinin D.Trampın süni intellektin inkişafına üstünlük verdiyini vurğulayır.

Ekstrasens xəbərdarlıq edir ki, Silikon Vadisinin güclənməsi qlobal reaksiyaya səbəb ola bilər. Digər ölkələr ya tənzimləmə vasitəsilə, ya da yerli alternativlərin yaradılmasını təşviq edərək ABŞ-nin böyük texnologiya şirkətlərinin təsirini məhdudlaşdırmağa çalışacaqlar.

Bundan əlavə, süni intellektin nəzarətsiz inkişafının iqtisadiyyata və dünya siyasətinə təsir edə biləcək gözlənilməz nəticələrə gətirib çıxara biləcəyini bildirib.

Qeyd edək ki, A.Salome koronavirus pandemiyası, Kraliça II Yelizavetanın ölümü və “Microsoft”un qlobal nasazlığı kimi hadisələri doğru proqnozlaşdırdığı üçün onu “canlı Nostradamus” adlandırırlar.