Dünyanın heyrətlə izlədiyi türk | Haluk Bilginerin uğurunun arxasında nə var? - RETRO BAKU

1954-cü il iyunun 5-də İzmirdə anadan olan Haluk Bilginer uşaq yaşlarından səhnəyə maraq göstərib və bu istək onu Ankara Dövlət Konservatoriyasına gətirib.

1977-ci ildə təhsilini başa vurduqdan sonra teatr təcrübəsini genişləndirmək məqsədilə Londona yollanıb və burada “London Academy of Music” and “Dramatic Art”da oxuyub.

İngiltərədə həm teatr, həm də televiziya layihələrində rol alan Bilginer Qərb teatr məktəbinin prinsiplərini dərindən mənimsəyib. 1987-ci ildə Türkiyəyə dönərək Zuhal Olcayla birgə “Tiyatro Stüdyosu”nu qurub və ölkə teatrına yeniliklər gətirib.

“Kara Melek” və “Ezel” kimi seriallardakı rolları ilə televiziya tamaşaçılarının sevimlisinə çevrilib. Onun “Şahsiyet” serialındakı Agah Beyoğlu obrazı 2019-cu ildə ona “International Emmy Awards” mükafatını qazandırıb.

Son illərdə “The Turkish Detective” və “Maria” kimi beynəlxalq layihələrdə çıxış edərək sənətinin sərhədlərini genişləndirib.

Bilginer aktyorluğu “insan olma məşqi” kimi dəyərləndirir və sənətə dərin fəlsəfi yanaşması ilə tanınır.