Pleyeri seçin:
”Əlimdən gələni edəcəyəm ki...” | Məşhur reper İngiltərə klubu ilə bağlı nələr dedi?
Məşhur amerikalı reper Snup Doq İngiltərə futbol çempionatının səviyyəcə ikinci liqası olan Çempionşipdə çıxış edən Uelsin “Suonsi” klubunun həmsahibi və investoru olub.
Bu barədə klubun rəsmi saytında məlumat verilib.
“Klubun və rayonun tarixi məni çox cəlb etdi. Bu, qürurlu, zəhmətkeş şəhərdir, klub isə dişləməyi bacaran əsl anderdoqdur. Lap mənim kimi. “Suonsi”nin bir parçası olmağımla fəxr edirəm. Əlimdən gələn hər şeyi edəcəyəm, bütün azarkeşlərlə tanış olmağı səbirsizliklə gözləyirəm”, – ifaçı bildirib.
“Suonsi” rəhbərliyi reperin məşhurluğunun “Suonsi” brendinin bütün dünyada təşviqinə kömək edəcəyinə və klubun kommersiya potensialını artıracağına ümid etdiyini bildirib. Stadionun qərb tribunasında artıq Snup Doqun divar portreti yerləşdirilib.
Kopyalandı
