Ən dəhşətlisi odur ki... | Ziyarət üçün xüsusi icazənin tələb olunduğu ada

Povelya adası İtaliyanın ən sirli və qorxulu yerlərindən biridir.

Adaya ilk məskunlaşma prosesi 7-ci əsrdə baş verib və yaşamaq üçün sakit bir yer olub.

1378-ci ildən 1381-ci ilə qədər davam edən Koci müharibəsi zamanı hər şey dəyişib. Nəticədə Povelya tərk edilib.

Adada ən dəhşətli hadisə vəba epidemiyası zamanı baş verib. O dönəmdə 100 minə yaxın xəstənin cəsədi böyük çuxurlara atılaraq yandırılıb.

Povelya üç kiçik adadan ibarətdir. Bunlardan ikisi təbii yolla əmələ gəlib, üçüncüsü isə taxta dirəklərdən və bir neçə torpaq qatından istifadə edildiyinə görə Venesiyanı xatırladır.

Adalardan biri tamamilə bitki örtüyü ilə örtülüb, digərlərində isə əsas tikililər var. Onlardan ən kiçiyi səkkizbucaqlıdır ki, müdafiə üçün kiçik qala kimi istifadə olunub.

Bura qorxu və adrenalin həvəskarı üçün ideal məkandır. Lakin adaya getmək o qədər də asan deyil. Bura ictimai ziyarətlərə açıq deyil və onu şəxsən görmək üçün xüsusi icazə almaq lazımdır.