Ən vahiməli şəhərin sirri | Burada görün nələr baş verib

İtaliyanın Bazilikata bölgəsində yerləşən orta əsr şəhəri Krako silsilə təbii fəlakətlərdən sonra tərk edilib.

Hazırda şəhər tərk edilmiş gözəlliyin simvoluna və turistlər üçün cəlbedici məkana çevrilib.

Şəhər barəsində "The Mirror" nəşri yazıb.

Məlumata görə, İtaliyanın cənubunda yerləşən Krako Avropanın ən heyranedici "kabus şəhərlər"indən biridir.

Qayalıq üzərində yerləşən, Aqri və Salandrela-Kavone çayları ilə əhatələnən məkan bu tərk edilmiş şəhərə filmlərə bənzər görünüş verir.

Krako XIII əsrdən XX əsrə qədər uzanan zəngin tarixi ilə çiçəklənən yaşayış məntəqəsi olub. Ancaq XIX əsrin sonundan etibarən şəhər bir sıra təbii fəlakətlərlə üzləşib. 1963-cü ildə torpaq sürüşməsi, 1972-ci ildə daşqın və 1980-ci ildə isə dağıdıcı zəlzələlərdən sonra əhali şəhəri tamamilə tərk etməli olub. O vaxtdan bəri Krako boş qalıb, lakin hələ də şanlı tarixinin izlərini qoruyur.