Ərdoğan hakimiyyəti dövründə terrorla mübarizə

Türkiyənin müasir tarixində, xüsusən də Prezident Rəcəb Tayyib Ərdoğanın hakimiyyəti dövründə terrorla mübarizə xüsusi yer tutur.

Bu istiqamətdə müqavimət gücünün artırılması və yeni strategiyanın müəyyənləşməsi Türkiyənin ardıcıl qələbələr qazanması ilə nəticələnib. Məhz bu uğurlu fəaliyyət nəticəsində terror ölkə daxilindən ölkə hüdudlarına daşınıb, daxildə əvvəlkindən daha çox sabitlik yaranıb.

Türkiyənin terrorla mübarizəsindən danışarkən, xüsusilə 15 İyul dövlət çevrilişi cəhdindən əvvəl və sonra terrora qarşı aparılan əməliyyatları xüsusilə qeyd etmək lazımdır.

Belə ki, rəsmi Ankara “Fərat qalxanı”, ardından “Zeytun budağı”, “sülh çeşməsi” hərəkatları ilə terrora qarşı mühüm addımlar atıb, terroçuların planlarını alt-üst edib. “FETÖ” terror təşkilatına qarşı aparılan mübarizə isə dövlətin daxildən parçalanmasının qarşısını alıb və yeni mərhələnin başlanmasına rəvac verib.

R.T.Ərdoğanın yenidən prezident seçiləcəyi təqdirdə terrorla mübarizədə qətiyyətlilik daha da davam etdiriləcək. Çünki aparılan uğurlu və düşünülmüş siyasət nəticəsində bu prosesdə nəinki hökumət, xalq belə aktiv iştirak etməyə başlayıb. Bir sözlə, Ankaraya kənar güclərin diqtəsi artıq sıfıra enib və bu da məhz hazırkı dövlət baçısı R.T.Ərdoğanın əzmkarlığı sayəsində mümkün olub.