Ərdoğan Türkiyəyə görə Avropa liderlərinə səsləndi

“Türkiyə 52 ildir Avropanın qapısında gözləyir”.

Bunu Almaniyada səfərdə olan Türkiyə Prezidenti Rəcəb Tayyib Ərdoğan bu ölkənin kansleri Olaf Şoltsla birgə keçirdiyi mətbuat konfransında deyib.

Ərdoğan ölkəsinin apardığı xarici siyasət kursunda ayrı-seçkiliyə yol verilmədiyini bildirib.

“Biz taxıl məsələsində Avropa və Afrika arasında fərq qoymadıq. Qara dəniz taxıl dəhlizindən gələnlərin 40 faizi Avropaya, 14 faizi Afrikaya, 14 faizi isə bizə gəlib”, – deyə Türkiyə lideri əlavə edib.