Ermənilər "MMA" yarışlarında qazaxlara qarşı dava salıblar

Rusiyanın Soçi şəhərində “Gorilla Fighting Championship 19” qarışıq döyüş növü üzrə keçirilən yarışda Ermənistan və Qazaxıstan idmançıları qarşılaşıb.

Erməni təmsilçi Miqran Arutunyan Qazaxıstan idmançısı Jasulan Akimjana məğlub olub. Bundan sonra erməni azarkeşlər qazaxıstanlı idman həvəskarları ilə dava etməyə başlayıblar.

Məğlub olan Miqran Arutunyana döyüşdən sonra söz verilən zaman o azarkeşlərdən birininin onun atasına əl qaldırdığını bildirərək onu hədələyib.

Bundan sonra o, zala gedib və orada əlbəyaxa dava başlayıb. Yarışın diktoru azarkeşlərə yayımın birbaşa olduğunu xatırladıb və onları toqquşmanı dayandırmağa çağırıb.

Qeyd edək ki, döyüş Miqran Arutunyanın məğlubiyyəti ilə başa çatıb. Akimjan üçüncü raundun sonunda rəqibinə dabanı ilə başından zərbə endirib. Ermənistan idmançısı diz üstə çöküb. Hakim isə nokaut olan erməni idmançının məğlubiyyətini elan edib.