Ermənilərin "məşhur" topçusu Ermənistanda belə unudulur

İkinci Qarabağ müharibəsində Ermənistanın "qəhrəman"ına çevrilmiş Albert Hovannisyanın şərəfinə açılan guşə təhqir olunub.

Bu barədə Albertin atası Artak Hovannisyan sosial media hesabında bildirib.

Deyib ki, "Kanaker-Zeytun" Tibb Mərkəzində yerləşən şöbədə oğlunun adına qoyulan xatirə lövhəsi bərbad vəziyyətə salınıb, Albertin şəkili olan lövhə isə yığışdırılıb.

“Xatirə lövhəsinin divardakı yerinə baxdım. Orada yalnız deşiklər qalıb. Həmişə təzə çiçəklərin qoyulduğu lövhənin aşağı hissəsinə isə zibil atılmışdı", – deyə ölmüş əsgərin atası əlavə edib.

Artak Hovannisyan onu da bildirib ki, 2021-ci ilin fevralında artilleriyaçı Albert Hovannisyanın adı verilən şöbədə 200-dən çox əsgər müalicə olunurdu.

Qeyd edək ki, Ermənistan ordusunun "məşhur" topçusu müharibənin ilk günlərində qəhrəman hərbçilərimiz tərəfindən məhv edilib.