Ermənistan nə üçün Qərbə üz tutdu? | Rusiyadan hərbi baza ilə bağlı şərh

Avropa İttifaqı və Şimali Atlantika Alyansını Ermənistan vətəndaşlarının real ehtiyacları maraqlandırmır, respublikaya sırf Qərbin iradəsini icra etmək rolu verilir.

Bu barədə Rusiya Xarici İşlər Nazirliyindən NATO-nun keçmiş baş katibi Anders Foq Rasmussenin rəhbərlik etdiyi “Ermənistanın Dostları Şəbəkəsi”nin Aİ ilə İrəvan arasında münasibətlərin dərinləşməsinə dair hesabatını şərh edərkən bildiriblər.

Həmçinin qeyd edilib ki, rəsmi İrəvanın Qərbə üz tutmasının əsas səbəbi Cənubi Qafqazı öz ehtiyaclarına uyğun yenidən formatlaşdırmaq cəhdidir.

Nazirlikdən verilən açıqlamada 102-ci hərbi bazanın və Rusiya sərhədçilərinin Ermənistan ərazisindəki mövcudluğu məsələsinə də toxunulub və bildirilib ki, 102-ci hərbi bazanın varlığı Ermənistanın suverenliyinin yeganə real təminatıdır:

“Onların ərazidən çıxarılması təhlükəli demaqoqiyadır. Bizi bu gün mövcud təhlükəsizlik sisteminə yenidən baxmağa məcbur edən Qərb bunun müqabilində konkret heç nə təklif etmir".