Ermənistan Ordusunda ölümlə bitən hadisə | Kimlər həbs edildi?

Ermənistanda “N” saylı hərbi hissənin əsgəri Aqasi Dallakyanın ölümü yeni həbslərə səbəb olub.

Bu barədə ölkə mətbuatında məlumat verilib.

Ermənistan Müdafiə Nazirliyinin yaydığı xəbərə görə, tağım komandiri və digər əsgər həbs edilib. Onlar A.Dallakyanı intihara sürükləməkdə ittiham olunurlar.

Qeyd olunub ki, həbs olunan hərbçilər A.Dallakyanın olduğu əraziyə keçərək onun şəxsiyyətini alçaldıblar.

Xatırladaq ki, oktyabrın 13-də “N” saylı hərbi hissənin döyüş növbətçiliyində olan əsgər Aqasi Dallakyanın çənə nahiyəsindən güllə yarası ilə meyiti aşkar edilib.