Ermənistan XİN binası qarşısında aksiya | Jurnalistlər yaralandı

Ermənistan Xarici İşlər Nazirliyinin binasının yaxınlığında etirazçılarla polis arasında toqquşmalar yaşanıb.

Bu barədə ölkə mətbuatında məlumat verilib. Bildirilib ki, hüquq-mühafizə orqanlarının əməkdaşları ilə qarşıdurmada azı 26 nəfər saxlanılıb, onlar arasında din xadimləri də var.

Məlumata görə, toqquşmalar zamanı “Vətən naminə Tavuş” hərəkatının başçısı Baqrat Qalstanyan da xüsusi təyinatlı polis qüvvələri tərəfindən zərbələrə məruz qalıb.

Bundan başqa, Ermənistan Xarici İşlər Nazirliyinin binası yaxınlığında keçirilən aksiyanı işıqlandıran bəzi jurnalistlər də döyülüb.

Qeyd olunub ki, üç polis də etirazçılar arasında toqquşma zamanı yaralanıb.

Məlumat üçün bildirək ki, mayın 31-i Ermənistan Xarici İşlər Nazirliyinin binası qarşısında B.Qalstanyanın başçılığı ilə kütləvi etiraz aksiyası keçirilib.