Pleyeri seçin:
Ermənistanda büdcə kəsiri yarandı | İrəvan təcili tədbir gördü
Ermənistan hökuməti büdcə kəsirinin ödənilməsi üçün Fransa İnkişaf Agentliyindən 75 milyon avro məbləğində kredit ayrılmasını təsdiqləyib.
Bu barədə yerli media məlumat yayıb.
Sənədin iyunun 26-da imzalanması gözlənilir. Məlumata görə, kredit büdcə sistemini təkmilləşdirmək şərti ilə verilir.
Bununla bağlı Ermənistanın Maliyyə Nazirliyi Fransa tərəfi ilə büdcə planlaşdırılmasının şəffaflığının və büdcə xərclərinin səmərəliliyinin artırılması, o cümlədən dövlət satınalmaları sisteminin təkmilləşdirilməsi ilə bağlı fəaliyyət planı ilə razılaşıb. Yaşıl iqtisadiyyatın maliyyələşdirilməsi üçün yeni tədbirlərin hazırlanması da nəzərdə tutulur.
Ermənistan hökumətinin açıqlamasında o da bildirilib ki, sözügedən məbləğin vaxtında maliyyələşdirilməsi dövlət büdcəsinin müvafiq xərclərinin ödənilməsi baxımından olduqca əhəmiyyətlidir.
Kopyalandı
