Ermənistanda kütləvi həbslər başlayıb

Ermənistanın Basarkeçər rayonunun Azad kəndində N saylı hərbi hissədə 15 əsgərin ölümü ilə nəticələnən yanğınla əlaqədar daha bir yüksəkrütbəli məmur həbs edilib.

Bu barədə Ermənistan Baş Prokurorluğunun mətbuat xidməti məlumat yayıb. Qeyd olunub ki, prokurorun qərarı ilə yanvarın 31-də hərbi hissənin yanğından mühafizə və xilasetmə xidmətinin rəisi barəsində cinayət işi açılıb. Adı açıqlanmayan mayor vəzifə öhdəliklərinə qarşı səhlənkar yanaşmaqda ittiham olunur.

Bununla yanaşı, Ermənistanın Milli Təhlükəsizlik Xidmətindən bildirilib ki, Silahlı Qüvvələrin kapitanı da həbs olunub. Məlumata görə, o, 2021-ci ildən etibarən xarici kəşfiyyata casusluq etməkdə ittiham olunur. Kapitan məxfi məlumatları xarici kəşfiyyata ötürməkdə şübhəli bilinir. Həbs edilən hərbçinin adı açıqlanmayıb.