Ermənistanda vəziyyət qarışdı: silahlı çevriliş etmək istəyən etirazçılar saxlanıldı

Ermənistanda hakimiyyətə qarşı hərbi çevriliş etməyə hazırlaşmaqda şübhəli bilinən 8 nəfər saxlanılıb.

Bu barədə Ermənistan Milli Təhlükəsizlik Xidməti məlumat yayıb. Bildirilib ki, “Səlibçilər” adlanan hərbi-vətənpərvər ictimai təşkilatının üzvləri silahlardan istifadə edərək hakimiyyəti ələ keçirmək barədə razılığa gəliblər.

Saxlanılan 8 nəfərin adları açıqlanmır. Onların hansı silahdan istifadə etməyi planlaşdırdıqları barədə məlumat yoxdur. Lakin təhlükəsizlik xidmətinin yaydığı bəyanatla birlikdə yayımlanan videoda tapança, ov tüfəngi, kimi silahlar və zirehli gödəkcə, əlaqə vasitələri öz əksini tapıb.