Etdiyi dəhşətli əməllər rusiyalı saatbaz qubernatora baha başa gəldi

Rusiya Federasiyasının Penza vilayətinin keçmiş rəhbəri İvan Belozertsevdən dəyəri 9 milyon rubldan çox olan 18 qol saatı müsadirə edilib.

Bu barədə TASS məhkəmə sənədlərinə istinadən xəbər verir.

Mənbə bildirir ki, qubernatordan götürülən saatların arasında biri 4,5 milyon rubl, ikincisi isə təxminən 2,5 milyon rubl dəyərində qiymətləndirilən iki “Rolex” brendi məhsulu olub. Rusiya vilayətinin keçmiş qubernatorunun bahalı aksesuarları məhkəmə Baş Prokurorluğun müvafiq iddiasını təmin etdikdən sonra dövlətə keçəcək.

Nəzarət orqanı vurğulayıb ki, saatı İ.Belozertsev qanunsuz yolla əldə etdiyi gəlirlə alıb.

2024-cü il yanvarın sonunda korrupsiya və silah saxlamaqda təqsirli bilinən İ.Belozertsev 12 il müddətinə azadlıqdan məhrum edilib. Bundan başqa, eks-məmura azadlığa çıxdıqdan sonra on il müddətində dövlət qulluğunda vəzifə tutmaq qadağan edilib.