Evində it saxlayanlara şad xəbər | Yaşlanmanı gecikdirən məhsul yaradılır

Amerikanın Loyal şirkəti ev itlərinin ömrünü ən azı bir il artırmalı olan “LOY-002” dərmanının hazırlandığını elan edib.

Müəlliflərin fikrincə, məhsul mal əti ətirli tabletdir və gündəlik istifadə üçün yararlıdır.

Dərman yaşlanma ilə əlaqəli metabolik dəyişiklikləri yavaşlatmaq və geri qaytarmaq məqsədi daşıyır. Preparat yaşa bağlı dəyişikliklərin qarşısını almağa yönəldilib.

Bununla yanaşı, Vaşinqton Universitetinin başqa bir qrup alimi rapamisin dərmanının heyvan sağlamlığına təsirini öyrənir. Rapamisin ucuz və istehsalı asan bir dərmandır. İnsanlarda orqan transplantasiyasından sonra immunosupressant kimi geniş istifadə olunur.

Təcrübələr göstərib ki, rapamisin siçanlarda yaşla bağlı xəstəliklərin ömrünü uzada, ləngidə, hətta geri qaytara bilər. Dərmanın insanlarda ömür uzatmaq icazəsi verilməsə də, bir çox gerontoloqlar onu yaşlanma prosesini farmakoloji cəhətdən yavaşlatmaq üçün ən yaxşı ümid kimi görürlər.

Qeyd edək ki, tədqiqatçılar rapamisinin itlərə əlavə üç il sağlam həyat bəxş edəcəyini gözləyirlər, lakin sınaqlar daha bir neçə il davam edəcək.