FED-in faiz artımından sonra dollar yeddi həftənin ən yüksək səviyyəsinə yaxınlaşıb

ABŞ Federal Ehtiyat Sistemi (FES) 3 il ərzində ilk dəfə uçot dərəcəsini 3,75%-dən 4%-ə qaldırıb.

Qərarı Federal Ehtiyat Sisteminin yeni rəhbəri Kevin Uorş qəbul edib.

Qeyd olunur ki, iclasdan əvvəl dərəcə 3,5–3,75% diapazonunda olub. Bu, üç il ərzində borclanma dəyərinin ilk artımıdır. Belə bir addım bazarın gözləntilərinə, demək olar ki, tamamilə uyğun gəlib: treyderlər bunun ehtimalını 90%-dən çox qiymətləndirirdilər. Sonuncu dəfə FES uçot dərəcəsini 2023-cü ilin iyulun 26-da – 5,25–5,5% diapazonuna qədər qaldırıb.

Qərar davamlı inflyasiya təzyiqi fonunda qəbul edilib. FES-in üstünlük verdiyi PCE qiymət indeksi tənzimləyicinin 2% hədəfi olduğu halda, iyun və iyul aylarında illik ifadədə 3,7% artıb. Yaxın Şərqdəki münaqişə səbəbindən neftin barrelinin 100 dollardan baha olması, ABŞ dövlət borcunun 40 trilyon dollardan çox artması və onillik xəzinədarlıq istiqrazlarının gəlirliyinin 5%-dən yuxarı – 2007-ci ildən bəri ən yüksək səviyyəyə qalxması əlavə risklər yaradıb.