Pleyeri seçin:
Filmlərdəki hadisələrin gerçəyə çevrildiyi planet tapıldı | Bunlar elə təhlükəlidir ki...
Yerdən 900 işıq ili məsafədə elmi fantastika filmindən çıxmış səhnəni xatırladan bir ekzoplanet – WASP-121b kəşf edilib.
Bu, sadəcə olaraq isti qaz nəhəngi deyil, əsl hava kabusudur. Çünki planetdə dəmir gündüz saatlarında buxarlanır, gecə isə yağış kimi tökülür.
WASP-121b öz ulduzuna o qədər yaxındır ki, oradakı bir il cəmi 30 Yer saatına bərabərdir. Planet hər zaman ulduzuna eyni üzü ilə dönür və gündüz ilə gecə tərəfləri arasında temperatur fərqi son dərəcə böyükdür. İsti tərəfdə dəmir və digər metallar buxarlanır, qaranlıq tərəfdə isə buxar maye halında yağış kimi yerə düşür.
Ekzoplanetin atmosferi hətta mütəxəssisləri də heyrətləndirib. Yer səthindəki ən dağıdıcı qasırğalarla müqayisədə burada küləklər bir neçə dəfə daha güclüdür. Atmosfer axınları buxarları ekvator boyunca sürükləyir, başqa bir axın isə onları gündüz tərəfindən gecə tərəfinə daşıyır.
Kopyalandı
Seçilmişlər
