Fransada meşə yanğınlarının qarşısını almaq çətinləşir

İyulun 23-də Fransanın cənub-qərbində yerləşən Lej-Kap-Ferre kommunasında yanğınsöndürənlər geniş əraziyə yayılan meşə yanğınını nəzarət altına almaq üçün mübarizə aparıblar.

Sürətlə yayılan yanğın Fransanın Atlantik sahillərində genişmiqyaslı təxliyələrə səbəb olub.

Hədsiz istilər və getdikcə dərinləşən quraqlıq Avropada meşə yanğınlarını daha da gücləndirib. Nəticədə evlərdən və düşərgə ərazilərindən 10 mindən çox insan təxliyə edilib.

Alimlər bildirirlər ki, iqlim dəyişikliyi Avropada su qıtlığını daha da ağırlaşdırır.

Yanğın məşhur turizm bölgəsi olan Arkaşon körfəzi yaxınlığında da baş verib. Təxliyə edilənlərin böyük hissəsini düşərgələrdə istirahət edən turistlər təşkil edir.

Lej-Kap-Ferre şəhərinin meri bildirib ki, alov gözləniləndən daha sürətlə yayılıb. Əhatə dairəsinin genişlənməsinin qarşının alınması məqsədilə Fransa hökuməti işləri davam etdirir.