Fransadakı türklərə xəbərdarlıq edildi

Türkiyənin Fransadakı səfirliyi həmvətənlərinə xəbərdarlıq edib. Xəbərdarlığa səbəb Fransadakı zorakılıq aktları və iğtişaşlar təhlükəsidir.

“Fransada genişmiqyaslı etiraz aksiyaları və zorakılıq aktlarını nəzərə alaraq, Fransadakı vətəndaşlarımızın, xüsusilə də Parisə səfər edəcək vətəndaşlarımızın kütləvi aksiyaların keçirildiyi yerlərdən uzaq durmaları və yüksək ehtiyatlılıq nümayiş etdirmələri tövsiyə olunur. Hazırda Fransada olan Türkiyə vətəndaşlarının mühafizə və təhlükəsizlik qaydalarına riayət etmələrini xahiş edirik”, – deyə diplomatik nümayəndəlikdən bildiriblər.