Gələcəkdə litium hasilatı artacaq? | Unikal kimyəvi xüsusiyyətlər aşkarlandı

Beynəlxalq alimlər qrupu planetimizdə mövcud olan duzlu göllərdə unikal kimyəvi xüsusiyyətlər aşkar edib ki, bu da litium hasilatı texnologiyalarını dəyişə bilər.

ABŞ-dən olan professor Avner Venqoşun rəhbərlik etdiyi tədqiqat qrupu müəyyən edib ki, Boliviyadakı məşhur Salyar-de-Uyuni duz gölündə və digər oxşar sahələrdə litiumun yerləşdiyi duzlu suların pH səviyyəsinə əsasən bor elementi təsir edir, bu isə okean və digər təbii duzlu sulardan fərqlənir.

Alimlər Uyuni gölündəki rassolların təbii halda neytral pH-a malik olduğunu, lakin litium hasilatı üçün istifadə olunan buxarlandırıcı hovuzlarda bu dəyərin kəskin şəkildə azaldığını qeyd edirlər. Bu, borun tərkibdəki bor turşusu və boratlar şəklində reaksiyaya girməsi ilə bağlıdır.

Tədqiqatçılar 300-dən çox analiz nəticəsini, o cümlədən Çili, Argentina, Boliviya və Tibet yaylasındakı duz göllərindən götürülmüş nümunələri araşdıraraq borun litium rassollarında əsas kimyəvi təsiredici olduğunu sübut ediblər.

Bu məlumatlar gələcəkdə daha effektiv və ekoloji baxımdan dayanıqlı litium hasilatı texnologiyalarının yaradılmasına imkan verə bilər.